Reided 5
Back ] Up ] Next ]

 

 

TEAT E BIOSKOP

Teatöps leigons ad uts länas votik, ab num onas no binon so gretik. Do pöp löfon mödikumo fredadramatis ka lopülis, i lops u baolets paplösenons. Mödo pöpedikums konsärts binons, pato ven musigals famik se foginän kömons.

In zifs valik bioskops dabinons ed in cifazifs binons vemo mödiks. Aniks binons so gütöfiks, das sümilons ad ledoms, e dajonons filmotis se läns valik. Plösen primon kösömiko zedelo e finikon zeneito. Ven galadaplösen jenon, nügolamons pamödükumons.

Ven viloy komön pö teataplösen, zesüdos ad remön bilietis büo len gijät, bi pö maifükam teatöpa mens mödik kobikons, ed if mutoy stebedön jü timül lätik, seadöp igo no bal odabinon. Klülos, das seadöps pebuüköl binons uts mu nilü städ; -lojad, partär e bakun. Tead löpikün lülogamaspadäda panemon "parad" u "gokalecek"; is seadöps nejerikün binons. No veütos, kiöpo seadöp binon; plösenot olanälükon fümiko lüloganefi de timøl, kü körten palöpitiron jü fin plösenota.

Seadöps pebuüköl bioskopa binons taädo uts, kels binons fagiküns de skrin.

 

 

bakun

balcony

lopül

operetta

baolet

ballet

lüloganef

audience

bioskop

cinema

parad

“paradise”/the “gods”

fredadramat

comedy

partär

stalls

gijät

ticket office

pebuüköl

preferred

gokalecek

“chicken run”

plösenot

performance

gütöfik

tasteful

pöp

the public

lojad

box

skrin

screen

lop

opera

städ

stage

lanälükön

to enthuse

teat

theatre