Reided 3
Back ] Up ] Next ]

 

 

HERAMASÄLUN E JÖNASÄLUN

Attimo heran bejäfom te manis, hiyunanis e hipulis. Kösömiko atans goloms lü heramasälun ad koedön jimön heremis, ad sufön jämpodi e semikna ad koedön jeifön okis. Ün nutim mans jeifoms okis lomo e bi nemödikans laboms balibi e mustagi okik, visitoy te heramasäluni ad koedön jimön heremi okik.

Güo voms visitofs jönasälunis. Usio golofs suvo ad koedön kölön heremi okas, ad koedön krugülükön okis dadulio, ad koedön kälön namis okas, u ad sufön jämpodi. I golofs usio ad remön kosmetamedis zesüdik anik.

Obo, golob te lü heramasälun ad koedön jimön heremi. Jeifob obi aldeliko lomo me jeiföm. Neai esteifülob jeifömi, ab viloböv steifülön oni, bi sob, keli gebob aldelo dolon obi. Semikna labob klieni ad no jeifön obi, ab if jonoböv obi su süt ko balib primöl sekü no-jeif dü dels tel u kil, atos gevonöv magädi nekäla vemik.

 

 

anik

a few

klien

an inclination

balib

a beard

koedön (+ verb)

to have (done)

bejäfön

to attend to

kosmetameds

cosmetics

dadulio

permanently

kölön

to colour

dolön

to hurt

krugülükön

to curl

gebön

to use

lomo

at home

gevön

to give (an impression)

magäd

an impression

heramasälun

a gentlemen’s hairdresser

mustag

a moustache

heran

a hairdresser

neai

never

hipul

a boy

nekäl

negligence

hiyunan

a youth

nemödikans

not many

jämpod

a shampoo

remön

to purchase

jeiföm

a razor

sob

soap

jeifön

to shave

steifülön

to try

jimön

to cut

sufön

to undergo

kälön

to treat

zesüdik

necessary