Reided 2
Back ] Up ] Next ]

 

 

TÄVS

Attimo tävoy mödiko, e pro blesir e pro büsidadins. Tävamods binons mödiks e difiks. Tävoy e me tren e me motoranibud. Klads kil dabinons in trens, sevabo: balid, telid, kilid e zuo tren ‘Pullman’ dabinon. Famüls labü tood buükons ad tävön me tood. Nafs i dabinons pro tävans i ad veigön lodotis mödik. Flitöms gretik bevegons vegädis ün düps nemödik e flitons zü tal. Veigons i tävanis i lodotis. Mödikans buükons nog trenavegi ad betävön fagotis lunik.

Anu binob in trenastajon. Tren primikon ad devegön. Tävans muadons okis pö logam latakömanas, kels sukons seadöpis labülabik. Tren votik, se kel tävans senexänons änu elükömon sui stajon. Sunädo tävans votik xänons ini trenavabs. Utans, kels no nog egetons trenabilietis stanons in poodked fo gijät. Su stajon dabinon i stebedalecemi.

 

 

bevegön

to cover (a distance)

muadön oki

to amuse oneself

blesir

pleasure

naf

a ship

büsidadins

business matters

klad

a class

buükön

to prefer

poodked

a queue

devegön

to depart

seadöp

a seat

difik

different

senexänön

to alight

fagot

a distance

stebedalecem

a waiting room

flitöm

an aeroplane

sukön

to seek

gijät

a ticket office

sunädo

immediately

labülabik

available

tood

a car

lataköman

a late-comer

vegäd

a journey

lodot

freight

veigön

to transport

lükömön

to arrive

xänön

in addition

motoranibud

a bus

around